రాగి లడ్డు

 

రాగి లడ్డు

కావలసినవి:

మొలకెత్తిన రాగుల పిండి - ఒక కప్పు, 

బెల్లం పొడి- అర కప్పు 

నెయ్యి - రెండు టేబుల్ స్పూన్లు

నన్నగా తరిగిన ఎండు కొబ్బరి ముక్కలు - పావు కప్పు

ఏలకుల పొడి - పావు టీ స్పూను, 

మరిగించిన పాలు - పావు కప్పు

జీడి పప్పులు - 10 (చిన్న చిన్న ముక్కలు చేయాలి) 

ఎండు కొబ్బరి తురుము - అలంకరించడానికి తగినన్ని 

బాదం పప్పులు - 10 (చిన్న చిన్న ముక్కలు చేయాలి)

తయారీ

ఒక గిన్నెలో నెయ్యి వేసి బాగా కాగిన తరవాత జీడి పప్పు పలుకులు, బాదం పలుకులు వేసి బంగారు రంగులోకి వచ్చేవరకు వేయించాలి, రాగి పిండి జత చేసి మరోమారు దోరగా వేయించాలి. బెల్లం పొడి, ఎండు కొబ్బరి తురుము, ఏలకుల పొడి జత చేసి మరోమారు వేయించాలి. వేడి పాలు జత చేసి కలియబెట్టాలి మంట తగ్గించి, గిన్నె మీద మూత పెట్టాలి రెండు మూడు నిమిషాలు అలాగే ఉంచి, దింపేయాలి ఎండు కొబ్బరి ముక్కలు జత చేస్తూ, కావలసిన పరిమాణంలో లడ్డూలు తయారుచేసుకోవాలి.